Belaunaldien artean ezagutza partekatu zuten atzo puntua eta kakorratz lana ardatz hartuta, Ostargiren ekimenez. Gainera, elkarteko hainbat kidek bolilloak eta galtzerdiak lau orratzetara nola egiten diren ere erakutsi zieten bertaratu zirenei.
Astelehenean, puntua eta kakorratz lana kalean egiteko nazioarteko eguna izan zen, eta orratzak eta hariak hartuta kalera atera ziren herritarrak, Ostargik antolatuta. Hainbat belaunaldietako oriotarrak bildu ziren saioan, eta elkarren artean ezagutza partekatuz, kolorez bete zuten herriko plaza.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!