Orioko Udalak bide-heziketa ikastaroak antolatu zituen maiatzean, herriko haurrei zuzenduta, eta guztira, Orioko Herri Ikastolako eta Zaragueta Herri Eskolako 300 haur inguruk parte hartu zuten. LH3 eta LH4ko haurrek, esaterako, kalean oinez ibiltzeko aholkuak jaso zituzten, eta LH5 eta LH6koek, berriz, bizikletan ibiltzeko aholkuak. Gainera, herriko kaleetan izandako aldaketen berri ere eman zieten, trafikoari eta oinezkoei lotutako arauak ezagutzeko.
Ikastaroaren gaiarekin erlazionatutako marrazkiak egin zituzten haurrek, eta orain ikusgai jarri dituzte kultur etxeko areto nagusian. Uztailaren 7ra bitartean izango dira ikusgai.