Ekainaren 28a, San Pedro bezpera, egun seinalatua izan zen herriko arraunlari beterano batzuentzat. Izan ere, 1973an Espainiako Arraunketa Olinpikoko Txapelketan urrea lortu zuen Orio Arraunketa Elkarteko zortzikoa elkartu egin zen garaipen horren 50. urteurrena ospatzeko. Herriko jaien hasiera aprobetxatu zuten horretarako, eta Balea elkartean egin zuten bazkari oparoa, oraingo honetan ere Xanti Garmendiaren gidaritzapean. Ordutik mende erdi pasatu bada ere, bihotzean daramate oriotar hauek arrauna eta bizi-bizirik dute arraunlari sena eta sentimendua. Argi dute: "Lehen, orain eta beti Aupa Oriyoko arraunlariak!"
Orio Arraunketa Elkarteko zortzikoak 1973. urtean urrezko domina irabazi zuen Espainiako Aulki Mugikorreko Txapelketan. Garaipena gogoratzeko bazkaria egin zuten taldeko kideek asteazkenean.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!
Izan zaitez KARKARAko laguntzaile!