Kanponeko mantenu lanak egiteko langile bat kontratatuko du udalak. Hautaketa prozesua martxan da dagoeneko, eta interesdunek, otsailaren 22ra arte izango dute izena emateko aukera, Lanbideren bidez.
Eskaintzaren kodea 162024001801 da eta xehetasunak hemen daude eskuragarri.
8 hilabeteko aldi baterako ordezkapen kontratua eskaintzen da, lanaldi osokoa.Izena emateko betekizunen artean daude, B gidabaimena izatea eta euskarazko 2. hizkuntza eskakizuna izatea.
Udaletik argitu dute hautaketa prozesuan parte hartzeko baldintzak betetzen direla egiaztatzeko eta merezimenduak baloratzeko, Lanbidek bidalitako curriculumean agertzen diren datuak bakarrik hartuko dira kontuan. Udalean beste bide batzuetatik aurkeztutako dokumentazioa ez da baliagarria izango eta, ondorioz, ez da baloratuko.