Zura lantzen eman du bere bizitza profesionala Joxe Etxeberria oriotarrak. Arin y Embil enpresan aritu da horretan zurgina urte luzez, eta baita bere kasa ere.
Balea arrantza irudikatzen duen egur tailla eman zion dohaintzan udalari orain bost urte, eta ordutik, udaletxeko udalbatzar aretoan ikus daiteke Etxeberriaren lana. Orain, beste bi egur-lan eman dizkio udalari: Pablo Picassoren Guernica margolanaren erreplika bat, batetik; eta umezurtzei eskainitako egur-lana, bestetik. Kultur etxean izango dira ikusgai aurrerantzean lanok.