Trainerillen lehia izango da igande arratsaldean Zumaian, San Telmo jaien repetizioko egitarauaren barruan. Emakumeen eta gizonen saioak izango dira 18:30etik aurrera, gizonen XXXIX. San Telmo saia eta emakumeen X. San Telmo saria, hain zuzen. Bertan hartuko dute parte, besteak beste, eskualdeko lau arraun elkarteetako ontziek: Zumaiak, Zarautzek, Getariak eta Oriok, hain zuzen ere.
Arbustaingo arranpla inguruan kokatuko dute irteera eta helmuga, eta Zumaiako portuko bokalean ziaboga. Zazpi txanda izango dira –hiru emakumeen sarian eta lau gizonetan– eta bakoitzak lau luzeko lana egin beharko du, hiru ziabogarekin.
Hauek izango dira igandeko estropadetako txandak:
Emakumeetan
- 1. txanda: Zarautz-Zumaia B.
- 2. txanda: San Juan-Zumaia A.
- 3. txanda: Arraun Lagunak-Hondarribia.
Gizonetan
- 1. txanda: Zarautz-Zumaia B.
- 2. txanda: Getaria-San Juan.
- 3. txanda: Orio-Zumaia A.
- 4. txanda: Hondarribia-Donostiarra.