Orioko Bate Bizkorrak taldeak Liga Nazionaleko seigarren jardunaldia jokatu zuen pasa den asteburuan Antorcha taldearen aurka, eta bi partidetatik bat irabazi du eta bestea, galdu.
Lehen partida lehiakorra izan zen. "Valentziarrak, aldeko hiru lasterketa eginez, aurreratu egin ziren markagailuan, eta gure neskek gainditu egin zituzten, bat gora jarriz", adierazi dute OBBko ordezkariek. Ondoren, ordea, "valentziarrek bosna berdindu zuten jokoa, eta bi sarrera gehiago jokatu behar izan zituzten, eta azkenean ezin izan zuten gailendu".
Bigarren partida oriotarren aurka jarri bazen ere, markagailuari buelta ematea lortu zuten, eta 3-5 irabazi zuten partida.
Datorren asteburuan etxean jokatuko dute oriotarrek, CBS Antorcha taldeari aurre egiteko. Burlatako (Nafarroa) Arga taldearen aurka izango dute norgehiagoka.