Okzitanian, Cazaubonen, Nazioarteko Estropadak jokatu dituzte asteburuan, eta Orio Arraunketa Elkarteko neska-mutilak urrezko bi dominarekin etxeratu dira. Larunbatean eta igandean izan ziren estropadak, eta azken egun horretan garaipen bana eskuratu zuten 8+EK eta 4xGK mailetako talde oriotarrek. Seina talde lehiatu ziren bi kategoria horietako finaletan, eta oriotarrak helmugaratu ziren bizkorren.
Zortzikoan lehiatu ziren Mireia Torres, Amane Basurto, Marina Gaztañazpi, Aitana Otaegi, Jare Miralles, Irati Olaizola, Nahia Uranga, Elene Urrestilla eta Dana Acero (lemazaina).
Laukoan, berriz, Hodei Gastiain, Aimar Ikatzeta, Ekhi Osa eta Oihan Manterola.
