Urola Kostako Udal Elkarteak 45 urtetik gorako herritarrak lan munduan txertatzeko 45+ Indartzen programa abiatu zuen, eta apirilaren 17an emango zaio hasiera egitasmoaren 6. edizioa. 40 orduko prestakuntza saioa izango da, lau orduko hamar saiotan banatuta. Hala, apirilaren 24tik maiatzaren 9ra eskainiko dituzte formakuntza saioak, eta hilaren 17an aurkezpena egingo dute. Lehen saioa 09:30etik 11:00etara izango da, udal elkartearen egoitzan.
Egitasmoaren helburua da bertan parte hartzen duten herritarrak lan munduan txertatzeko ahalduntzea, aldaketarako prestatzea eta euren laneratzea erraztea. Horretarako, taldekako prestakuntzaz gain, bakarkako hiru saio ere jasoko dituzte.
45+ Indartzen programan parte hartu nahi dutenek apirilaren 13ra bitartean izango dute izena emateko aukera udal elkartearen egoitza elektronikoan. Izena telematikoki eman ezin dutenek udal elkartearen egoitzan egin dezakete izapidea aurrez aurre.