UKUEren soldadura zentroan DBH gainditu ez duten ikasleek Oinarrizko Lanbide Heziketa jasotzen dute. Hala, lanbide bat ikasteaz gain, oinarrizko hezkuntza landuz DBHko titulua ere lortzen dute. Urola Kostako Soldadura Zentroan bi urteko ikasketa programa eskaintzen die ikasleei, eta bigarren ikasturtean, enpresetan praktikaldia hasi aurretik, edukiontziaren proiektua egiten dute. Udal elkarteko arduradunek azaldu dutenez, proiektuaren helburua izaten da denen artean, elkarlanean, edukiontzia egiteko pauso guztiak betetzea: planoak, materialaren horniketa, mozketa, prestaketa eta muntaia. Aurten, esaterako, 12 ikasleren arten 30 metro kubiko dituen edukiontzia osatu dute, eta datozen asteetan, edukiontzi hori eskualdeko garbigunetako batean jarriko dute.
Proiektua bukatuta, praktikaldia abiatuko dute ikasleek. Ondoren, batzuk erdi mailako lanbide heziketan ziklo bat ikasten jarraituko dute eta beste batzuk praktikaldia egin duten lantegietan geratuko dira lanean.