Atzo hasi ziren San Pedro jaiak Elkanon. Haurrentzako jolasak izan ziren arratsaldean, eta 20:00etan, festei hasiera emateko txupinazoa jaurti zuten auzokideeek. Gero, parriladaz gozatzeko aukera izan zuten.
Gaur, larunbata, San Pedro eguna da, eta goizean goiz hasi dira ospakizunekin. 08:00etan bota dute txupinazoa, suziriekin eta kanpai hotsekin. 11:30ean izan da meza nagusia, eta jarraian, auzokoen arteko tortilla lehiaketa egin dute.
Eguerdian Joxe Felix Zubizarretak erakustaldia eskaini du motozerrarekin, eta egurrezko hainbat irudi egin ditu. Bitartean, Izer eta Alabier trikitilariek girotu dute auzoa. Gauean, afaria izango da frontoian.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!