Eusko Jaurlaritzaren Osasun Sailak astelehen arratsaldean argitaratu duen buletinaren arabera, uztailaren 12an, igandean, atzeman zuten kasua.
Ia hiru aste ziren Aian ez zela koronabirus kasurik aurkitzen; ekainaren 27an eman genuen azken albistea. Igandean atzemandako kasuarekin, dagoeneko hamar dira COVID-19 gaitzaz gaixotutako Aiako herritarrak.
Osasun Sailak emandako datuen arabera, 27 dira Euskal Autonomia Erkidegoan azken orduotan PCR proban positibo emandako herritarrak. Larunbatean bat gehiago izan ziren, eta ostiralean lau gehiago.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!