Ostiralean amaituko da HAZILAN proiektuaren seigarren deialdian izena emateko epea. Edizio honetan enpresa kudeaketa eraginkor baterako baliagarriak diren ezagutza, tresna eta baliabide eskuratuko dituzte parte-hartzaileek.
Irailaren 11n hasiko da programa, eta 5 hilabeteko iraupena izango du, 280 orduko prestakuntza izango da.
Prestakuntza-bonoa eskuragarri
Horrez gain, Hazilan ekimenaren 6.edizioan parte hartzen duten herritarrek Urola Kostako Udal Elkartearen prestakuntza-bonoa eskuratzeko aukera izango dute. Hau da, ikastaroa amaitu ondoren, bonoa duen langabea kontratatzen duen enpresak diru-laguntza eskuratu ahal izango du.
Eskura daude Udal Elkartearen webgunean aurtengo laguntza ekonomikoen deialdia, oinarriak eta eskabideak egiteko eredua. Edozein kasutan, argibide gehiago nahi izanez gero, herritarrek zabalik dituzte Udal Elkartearen ateak.
Argibide gehiago jasotzeko
Hazilan proiektuan Izena emateko bi modu daude. Alde batetik, Urola Kostako Udal Elkarteko egoitzara bertaratu daitezke interesatuak. Bestetik, izena emateko eskaera-orria posta elektronikoz bidalita dezakete hazilan@urolakosta.eus. Eskaera egiteko orria eskura dago Udal Elkartearen webgunean: www.urolakosta.eus