Urola Kostan %60,79ak eman du botoa 18:00etarako

Urola Kostan %60,79ak eman du botoa 18:00etarako

Aian eta Orion %56,36ak eta %61,32ak eman du botoa. Oraingoz, bederatzi puntu igo da parte hartzea 2016ko hauteskundeekin alderatuta.

Espainiako Kongresurako eta Senaturako hauteskundeen parte-hartzea igoera nabarmena izaten ari da, eta horren isla dira Urola Kostako datuak ere. Eguerdiko datuen ondotik, 18:00etan eman dituzte parte-hartzeari buruzko bigarren emaitza ofizialak, eta horien arabera, eskualdeko erroldaren %60,79ak botoa eman du ordu horretarako. 2016an, %51,58ekoa zen parte hartzea ordu horretan. Beraz, bederatzi puntu egin du gora parte hartzeak oraingoz. Eskualdean, Getariak jarraitzen du gehien bozkatu duten herria izaten: oraingoz, ia %71k eman du botoa han.

Aian %56,36ak eman du botoa, (2016an, %40,66). Orion, berriz, %61,32ak (2016an, %46,88).

Ikusi beste herrietako datuak, Urola Kostako Hitzan.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!