Maiatzaren 26an izango dira udal, foru eta Europako hauteskundeak. Bihar, osteguna, itxiko dute postaz bozkatzeko eskaera egiteko epea. Beraz, botoa postaz eman nahi dutenek, Correoseko bulegora bertaratu beharko dute eskaera egitera, bihar 14:00ak baino lehen.
Correosen hainbat agiri jasoko dituzte eskaera egiten dutenek, eta horien bidez bozkatu ahalko dute. Maiatzaren 24ko 14:00ak arte izango dute postaz botoa emateko aukera.
Hona hemen udal, foru eta Europako hauteskundeei begira zehaztu duten egutegia:
- Maiatzak 16. Posta bidez bozkatzeko eskaera egiteko azken eguna.
- Maiatzak 19. Posta bidez bozkatzeko eskaera egin dutenei beharrezko agiriak helarazteko azken eguna.
- Maiatzak 24. Posta bidez bozkatzeko azken eguna.
- Maiatzak 26. Hauteskunde eguna.
- Ekainak 15. Udal berrien eratzea.
- Ekaineko bigarren hamabostaldia. Batzar Nagusi berrien eratzea.
- Uztailak 2. Europako Parlamentu berriaren eratzea.