2019an %36 hazi da TOKIKOMeko webguneen kontsumoa

Karkara 2020ko ots. 21a, 14:00

KARKARA.eus da bisiten bataz besteko iraupenean datu onenak izan dituen webgunea: 223 segundoko iraupena dute bataz beste KARKARA.eus-ek jasotzen dituen bisitek, batez besteko orokorra 122 segundo denean.

Euskarazko tokiko komunikabideen Tokikom bateraguneko 30 hedabide digitaletan 36.380.205 ikustaldi izan ziren 2019an. Irakurketa "oso positiboa" egin dute Tokikometik: "2019an, 2018an baino %35 gehiago izan dira toki komunikabideetara hurbildu diren erabiltzaileak, haietako bakoitzak orrialde gehiago irakurri ditu, eta denbora gehiago pasatu du webguneetan. Urtetik urtera, etengabe sendotzen doa Tokikomen kanal digitala".

Oso pozik azaldu dira Tokikom toki komunikabideen bateraguneko kideak 2019ak utzitako datuekin. "Beldurrik gabe esan dezakegu Tokikom-eko bazkide diren toki komunikabideen edizio digitalek osatzen duten sarea oinarri-oinarrizko azpiegitura dela euskarazko edukien eguneroko kontsumoan. 2019ko trafiko datuak aztertuta, kopuruak oso esanguratsuak dira benetan".

36,4 milio bisita urtean

2019an, TOKIKOMeko bazkideen webguneek 36.380.205 orrialde erakutsi zituzten guztira, 2018an baino %36 gehiago. Hilabeteko batez bestekoa 3 milioika izan zen, baina, aurreikusi zitekeen moduan, maiatzean goraldi nabarmena izan zen, udal hauteskundeen bueltan (3,8 milioi orrialde), eta abuztuan berriz, ahapaldia, udako oporrekin lotutakoa (2,3 milioi).

400.000 erabiltzailetik gertu

Erabiltzaile kopuruari dagokionez, horrek ere hazkunde nabarmena izan du, hilabetero 399.025era iritsita. Bisiten batez besteko iraupena ere luzatu egin da, bi minutu pasatxora iristeko. 2019an 122 segundukoa izan da batez bestekoa, eta 119koa 2018an. Atal  honetan nabarmentzekoa da badirela hainbat komunikabide batez besteko hori aise gainditu dutenak:

Errebote tasa, webgunera iritsi eta berehala alde egiten duten erabiltzaileen portzentajea ere, puntu bat murriztu da: 2019an, 64,8tik 63,6ra pasatuz, eta bisita bakoitzeko ikusitako orrialde kopurua ere apur bat hobetu da: 2,13tik 2,21era igoz.

Laburbilduz, datuen irakurketa oso positiboa da: 2019an, 2018an baino %36 gehiago izan dira toki komunikabideetara hurbildu diren erabiltzaileak, haietako bakoitzak orrialde gehiago irakurri ditu, eta denbora gehiago pasatu du webguneotan. Toki komunikabideetan egiten den lanaren kalitatearen eta erakargarritasunaren adierazgarri argiak dira.

Facebook eta sakelakoen pisua

Euskarazko komunikabideak, eta zehazki tokikoak, ez daude nazioarteko joeretatik libre. Webguneetako trafikoaren analisian ere argi geratzen da hori.

Hala, 2019an TOKIKOMeko webguneetara iritsi ziren bisiten %40 baino gehiago bilatzaileetatik iritsi ziren. Fenomeno honen azalpena da honezkero erabiltzaile gehienek, hedabidearen helbidea idatzi baino, bilatzailean sartzen dutela zuzenean webgunera iristeko. Datu zehatzik ez badugu ere, susmoa dugu bilatzaileen bidezko trafiko gehiena horrela iristen dela.

Bilatzaileen ondoren, bigarren iturri nagusia Facebook sare soziala da. Mark Zuckenbergen sare polemikoak TOKIKOMeko bisiten laurden bat baino gehiago ekarri zuen iaz. Ondoren, hurrengo iturririk handiena trafiko zuzena da (%21,6), eta Twitter sare ezagunak bisita guztien %7 baino ez zuen eragin.

Bestalde, webguneetan sartzeko gailuei erreparatuz gero, etengabe hazten jarraitzen du sakelako telefonoek trafiko osoan duten pisua. 2018ko amaieran bisiten %64,5 egiten zen gailu mugikorretatik, eta abenduan kopuru hori %71,43koa zen batez beste TOKIKOMeko komunikabideetan. Ordenagailu arruntak bisiten laurden bat inguru dira, eta tabletak %4 baino gutxixeago.

171 eduki egunero

TOKIKOMeko komunikabide digitalen ekoizpenari dagokionez, TOKIKOM Plataformaren azken bertsioa erabiltzen duten webguneek guztira 62.416 eduki argitaratu zituzten 2019an, hau da 171 eduki egun bakoitzeko, batez beste.

Eduki horien artean gehienak artikuluak izan ziren (%56), ondoren agendako sarrerak (%19) eta argazki galeriak (%8). Nabarmentzekoa da eduki multimediaren pisua: galeriak, audioak eta bideoak sortutako eduki guztiaren %23 izan ziren.Gaiei dagokienez, Gizartea, Kultura eta Kirolak izan ziren gehienetan landu zirenak, argitaratutako edukien %40, %22 eta %17a osatuz.

Apustu egokiaren emaitza

TOKIKOMeko komunikabide digitalen ekoizpenari dagokionez, TOKIKOM Plataformaren azken bertsioa erabiltzen duten webguneek guztira 62.416 eduki argitaratu zituzten 2019an, hau da 171 eduki egun bakoitzeko, batez beste.

Eduki horien artean gehienak artikuluak izan ziren (%56), ondoren agendako sarrerak (%19) eta argazki galeriak (%8). Nabarmentzekoa da eduki multimediaren pisua: galeriak, audioak eta bideoak sortutako eduki guztiaren %23 izan ziren.Gaiei dagokienez, Gizartea, Kultura eta Kirolak izan ziren gehienetan landu zirenak, argitaratutako edukien %40, %22 eta %17a osatuz.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!