Etxean tratu txarrak jasaten dituzten andreak erasotzaileekin itxita geratu izanak kezka sortu du erakundeetan. Izan ere, emakume horiei zaildu egin zaizkie laguntza eskatzeko moduak. Horren aurrean, Gipuzkoako Foru Aldundiak eta Gipuzkoako Sendagaigileen Elkarteak Maskarak-19 izeneko egitasmoa jarri dute martxan. Hala, etxean tratu txarrak edo eraso sexistak jasaten ari diren emakumeek botikara joan eta Maskara-19a eskatu behar dute. Botiketan badakite Maskara-19a eskatzen dietenean 900 840 111 telefonora deitu behar dutela, emakume horiek indarkeria matxista jasaten duten biktimen arreta zerbitzuarekin harremanetan jartzeko.
Tratu txarrei aurre egiteko, Maskara-19a
Etxean tratu txarrak edo eraso sexistak jasaten ari diren emakumeek botikara joan eta Maskara-19a eskatu behar dute, eta botikariak indarkeria matxista jasaten duten biktimen arreta zerbitzuarekin harremanetan jarriko dituzte.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!
Izan zaitez KARKARAko laguntzaile!