Igeldoko Harria Txapeketan lehiatuko dira Etxeberria, Galarraga eta Kortaberri

Joseba Ostolazaren eskolako kideak iazko Igedoko Harri sarian. (Argazkia: Joseba Ostolaza)

Hamar harri-jasotzaile arituko dira nor baino nor gehiago Donostiako Trinitate plazan, eta bertan izango dira Ostolazaren eskolako kideak.

Urtero legez, Igeldoko Harria Txapelketa jokatuko dute abuztuaren 8an, larunbata, Donostiako Trinitate plazan, eta eskualdeko hainbat harri-jasotzailek parte hartuko dute bertan. Txapelketan izango dira Jokin Eizmendi zarauztarra —iazko txapelketaren garailea izan zen—, Gorka Etxeberria eta Aimar Galarraga oriotarrak, Imanol Illarramendi Kortaberri aiarra, Mikel Lopetegi Urra zarauztarra, Jagoba Otaegi aizarnarra, Xabier Peñagarikano Peña aizarnazabaldarra eta Jon Unanue Goenatxo III.a azkoitiarra. Txapelketan lehiatuko diren beste bi harri-jasotzaileak Alejandro Merlo eta Beñat Telleria Telleria IV.a izango dira.

Honako lotura honetan eros daitezke txapelketa ikusteko txartelak bost euroren truke, baita Donostiako Victoria Eugenia eta Antzoki Zaharrean ere.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!