Errigorak udazkeneko kanpaina abiatu du, eta azaroaren 12ra bitartean egin daitezke Nafarroako hegoaldeko uztako produktuez osatutako saskien eskaerak www.errigora.eus webgunean. Errigorak bazkideen artean zozkatzeko bi otar eskaini dizkio KARKARAri eta ostiralera bitartean zozketan parte hartzeko aukera izango dute bazkideek.
Kaxa berdea honako jakiz osatuta dago: txitxirioak, ardo-ozpina, oliba-olio birjina estra, barazki-menestra, pasta, orburuak, pikillo piperrak, arroza, zainzuri zuriak, botila ardoa, udare-zukua eta Seaskako egutegia. Eta kaxa beltzak honako osagaiak ditu: Orburuak, pikillo marmelada, pikillo piperrak, zainzuri zuriak, teilak, tomate frijitua, mertxika almibarretan, oliba-olio birjina estra, kardua, mahats-zukua, botila ardoa, piper-mamia eta Korrikaren katilua.
Zozketan parte hartu nahi duten KARKARAko bazkideek mezua bidali behar dute karkara@karkara.eus e-postara, ERRIGORA SASKIAK izenburupean, edo 688 85 96 82 zenbakira deitu. Mezuan izen-abizenak, helbidea eta telefono zenbakia zehaztu behar dituzte.