Eusko Jaurlaritzako eta Nafarroako Gobernuko osasun sailek jakinarazi dituzte atzo atzeman zituzten koronabirus kasuak. Araban, Bizkaian eta Gipuzkoan, guztira, 9.542 test diagnostiko egin zituzten, eta, horietatik, 427 positiboak izan ziren, % 4,5, hain zuzen ere. Lurraldeka Bizkaian atzeman zituzten kasu gehien,181; 160 izan ziren Gipuzkoan eta 79 Araban. Horrez gain, beste zazpi kasu hauteman zituzten autonomia erkidegotik kanpo bizi diren herritarren artean.
Nafarroan, aldiz, 1.949 test egin zituzten [1.1.62 PCR proba eta 787 antigeno proba] eta horietatik 124k eman zuten positibo, %6,4. Gainera, zehaztu dute Erresuma Batutik iritsitako 71 laguni egin zietela PCR proba.
Ospitaleen egoerari dagokionez, COVIDaren ondorioz 41 pertsona ospitaleratu ziren atzo Araban, Bizkaian eta Gipuzkoan, eta kutsatuta dauden 85 pertsona ZIUn daude. Nafarroan, bestalde, atzo bost lagun ospitaleratu zituzten, eta horietatik bi ZIUn daude.