Hego Euskal Herrian 628 positibo atzeman dituzte urteko azken egunean

Positibotasun tasa % 6,1etik % 6,9ra igo da Araban Bizkaian eta Gipuzkoan. Astelehenean emango ditu Eusko Jaurlaritzak herriz herriko datuak. Nafarroan, bere horretan jarraitzen du detektatutako kasu kopuruak.

Urteko azken egunean, atzo, 628 koronabirus kasu atzeman zituzten Nafarroan, Bizkaian, Gipuzkoan eta Araban egindako PCR eta antigeno probetan. Positibo kopurua zertxobait jaitsi da bezperatik –645 kasu zenbatu zituzten herenegun–, baina proba gutxiago egin dituzte: 10.797 herenegun, eta 9.157 atzo. Araban, Bizkaian eta Gipuzkoan gora egin du positibotasun tasak; % 6,9an dago orain. Nafarroan, berriz, % 6,7 da. 

Eusko Jaurlaritzaren Osasun Sailaren arabera, 82 positibo zenbatu zituzten Araban, 235 Bizkaian eta 163 en Gipuzkoan. Azken lurralde historiko horretan beheranzko joeran jarraitzen du kasu kopuruak, 200dik gora kasu zenbatu baitzituzten duela hiru egun. Bestetik, Osasun Sailak jakinarazi du atzo 35 pertsona ospitaleratu zituztela, eta 79 direla uneotan ZIUetan. 

Osasunbideak emandako datuen arabera, berriz, 138 positibo atzeman zituzten atzo, bezperan baino bat gutxiago. 

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!