Datorren asteburuan sartuko da indarrean udako ordutegia. Alegia, igandeko (martxoaren 28a) goizaldeko 02:00etan 03:00ak izango dira, beraz, beranduago helduko dira aurrerantzean bai egunsentia, baita ilunabarra ere.
Urtean bitan aldatzen da ordua 2001az geroztik, "eguzkiaren argia gehiago baliatzeko" teknika gisa; horren ondorioz, argindarra %5 aurreztea ere lortzen da. Dena den, hainbat zientzialari agertu dira ordu aldaketekin amaitzearen alde, "osasunarentzako kaltegarria" izan daitekeela baieztatuta, besteak beste.
Eztabaidaren ondorioz, 2019an ordu aldaketa kentzea erabaki zuen Europako Batasunak, baina ez zen erabaki hori gauzatzerik izan. Une hartan 2021era atzeratu zuten erabakia, baina ez dute agertu agintariek, oraingoz, adostasunik.