Udako GUKA magazina: bigarren atala

Atal berri honetan, bidaiatzeko beste modu bat erakutsiko du Mireia Galarza aurkezleak eta horretarako, Iosu Garate azpeitiarrarekin elkartuko da. Garatek autokarabana bat du, eta saio honetan bere esperientzia azaltzeaz gain, bidaiatzeko modu horrek eskaintzen dituen abantailez hitz egingo du. 

Urola Kosta eskualdea osatzen duten txoko, istorio eta protagonistei ahotsa ematea izan du helburu orain arte GUKA magazinak, eta helburu bera izango du udako GUKA magazin bereziak ere. Ostiralero egongo da ikusgai atal berria UKTko tokiko hedabideetan, Urola Kostako Hitzan eta Erlo Telebistan, eta bertan, Andoni Elduaienek, Mireia Galarzak eta Gorka Peñagarikanok udan zehar eskualdean egin daitezkeen plan proposamenak landuko dituzte. 

Bigarren atalean, Galarzak bidaiatzeko modu berri bat ezagutuko du, eta horretako Iosu Garate autokarabana gidari eta jabearekin elkartuko da. Orain arteko saio guztiak ikusgai daude honako lotura honetan.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!