karkara.eus

Jare Zinkunegi Gozategik irabazi du 'Irakurri, Gozatu eta Oparitu' kanpainaren apirileko saria

Erabiltzailearen aurpegia   kultura

Herritarrek euskarazko liburu gehiago irakurtzea du helburu kanpainak.

Jare Zinkunegi Gozategik irabazi du 'Irakurri, Gozatu eta Oparitu' kanpainaren apirileko saria
Jare Zinkunegi irabazlea. | Ikusi handiago | Argazki originala

Udalak eta Euskaltzaleen Topaguneak elkarlanean antolatu duten 'Irakurri, Gozatu eta Oparitu' egitasmoan parte hartzen dutenen artean bi zozketa egiten dira: bat apirilaren bukaeran eta bestea maiatzaren bukaeran. Irabazleak euskarazko liburu bat erosteko txeke bat eskuratzen du, 30 eurokoa, Orioko liburu denda batean gastatzeko

Apirileko zozketa egin da udal liburutegian, eta irabazlea honako hau izan da: Jare Zinkunegi Gozategi (Karkarak utzitako argazkia).

Zorionak, Jare, eta segi horrelaxe, udal liburutegia erabiltzen eta euskarazko liburuak irakurri eta gozatzen!

Euskarazko liburuak irakurtzea sustatzeko kanpaina

Apiriletik maiatzera bitartean egiten ari da aurtengo 'Irakurri, gozatu eta oparitu' egitasmoa.

Herritarrek euskarazko liburu gehiago irakurtzea bultzatzen du kanpainak. Gaur egun euskaraz irakurtzeko aukera zabala dute bai haurrek eta bai helduek eta, kanpainaren bidez, oriotarrak bultzatu nahi ditu Udalak, euskarazko liburu horiek irakurri eta gozatzera.

Horrez gain, kanpainak beste bi helburu ere baditu: herritarrak udal liburutegira hurbiltzea eta herriko liburu-dendetan euskarazko liburuen kontsumoa sustatzea.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa