2016ko aza. 22a, 10:19
Aurtengo San Nikolas jaien programaren barruan Kuadrillen Eguna ospatuko da abenduaren 7an, asteazkenarekin. Egun horretan kuadrillen arteko bazkaria antolatu dute Gaztetxeko gazteek herriko pilotalekuan, 14:00etan hasita.
Kuadrilla bakoitzak bere janaria eraman behar du eta Udalak doan jarriko ditu ura eta sagardoa. Su batzuk ere jarriko ditu Udalak, kuadrillaren batek sutan zerbait prestatu edo berotu nahi badu.
Gaztetxeko gazteek prestatuko dute bazkalondoko kafea. Gazteek parte hartzera gonbidatu nahi dituzte herriko kuadrilla guztiak.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!