Euskal Herriko Unibertsitateko Uda Ikastaroen programaren barruan, Mutiozabal ontziolari buruzko bi hitzaldi antolatu dituzte Udalak eta EHUk elkarlanean. Bi mintzaldiak egun berean izango dira, ekainaren 7an, hain zuzen ere.
18:00etan, Lourdes Odriozola historialariak Oria ibaia, ontzigintzan eta bere misterioak hitzaldia emango du.
19:00etan, Beñat Ibaietaren txanda izango da, eta honako titulua du bere konferentziak: Mutiozabal ontziola: euskal itsas ondarearen azken altxorra.
Beñat Ibaieta Euskal Bateleroen elkarteko zuzendaria da, eta Mutiozabal ontziolaren arduraduna. Urrian argitaratu genuen aldizkarian elkarrizketa egin genion zumaiarrari, eta besteak beste, ontziolak etorkizunera begira eskaini ditzakeen aukerak azaldu zizkigun. Elkarrizketa hemen klik eginda irakur daiteke.