Oria Arraun Elkarteko emakumezkoen txalupak bandera irabazi zuen atzo, Portugaleten jokatutako estropadan. Helmugan lehen ontzia San Juan izan arren, pasaitarrek epaileen zigorra jaso zuten, ziabogan Hibaikarekin izandako arazo batengatik, eta oriotarrentzat izan zen garaipena. Estropadako sailkapen orokorrean, Oriok 11:10,61 denborarekin irabazi zuen bandera, eta San Juan bigarren sailkatu zen: hiru segunduko zigorrarekin 11:13,14 denbora lortuz.
Asteburuan beste bi estropada ere jokatu zituzten Orio AEko traineruek. Gizonezkoen txalupak TKE Liga hasi aurreko azken testa izan zuen Pasaian. Estropada Urdaibaik irabazi zuen, eta oriotarrak bigarren sailkatu ziren, 3,68 segundora.
Bigarren txalupak hirugarren postua lortu zuen Bermeon jokatutako ARC Ligako ligako lehen jardunaldian. Getxok irabazi zuen bandera, Donostiarra izan zen bigarren, eta Orio hirugarren, irabazlearengandik 7,31segundora.