Gaurtik igandera bitartean, errepidean orduak pasatzea tokatuko zaie Orio Arraun Elkarteko ordezkariei eta arraunlariei. Datorren asteburu hau da antolaketa eta baliabide aldetik konplexuena elkartearentzat; batetik, mugiarazi behar duten ontzi eta estropalari kopuruagatik, eta bestetik, estropada lekuen iristeko egin beharreko bidaia luzeengatik.
Elkarteko infantil eta kadeteak Sevillan izango dira Espainiako aulki mugikorrek txapelketa jokatzen. Gaur goizean abiatu da Andaluzia aldera 70 lagun inguruko taldea. Iragarri dutenez, 17 eta 39 gradu bitarteko tenperaturak espero dituzte.
Bihar, seniorren bi traineruk Galiziarako bidea hartuko dute, Euskotren eta Euskolabel ligetako estropadak jokatzeko. Goizeko seiak aldean ekingo dio bidaiari 40 lagunetik gorako espedizioak. Bestalde, gizonezkoen bigarren txalupa Mutrikun eta Donostian lehiatuko da, larunbatean eta igandean, KAE-2 ligako estropadetan.