Abenduaren 19an eskainiko du kontzertua Zetak taldeak Kalera kiroldegia, eta dagoeneko ahitu dira sarrera guztiak. Gaur jarri dituzte salgai, 16:00ak aldera, eta ez dute asko iraun, 15 minutu inguruan erosi baitituzte herritarrek salgai zeuden sarrera guztiak. Pello Reparazen taldeak eskainiko duen kontzertuak, gainera, sarrerak eskuratzeko ilarak ere sortu ditu kultur etxearen kanpokaldean.
Joan den azaroan aurkeztu zuen Orioko Udalak abenduko kultur agenda, eta garbi erakutsi zuen egungo egoeran kulturari "bultzada" ematen jarraitzeko konpromisoa mantendu nahi duela.