Orioko Atletismo Taldeko kidea da Martin Iriondo, eta gaur Espainiako txapela lortu du atletismoko 3.000 metroko proban, Oviedon (Asturias, Espainia). 16 urtez azpiko kategorian lehiatu da oriotarra, eta 8:50:75 denbora eginda lortu du urrezko domina etxeratzea.
Otsailean Espainiako eta Euskadiko txapelketetan parte hartu ahal izateko gutxiengo denborak markatzeko lasterketan izan zen Iriondo Donostian, eta orduan Euskadiko errekor berria ezarrita itzuli zen etxera, helmugan 09:05.75 denbora lortu eta gero 3.000 metrotako proban.
Gaur berriro erakutsi du bere maila aparta, Espainiako Txapelketa irabazita. Gazteak ondoan izan ditu Kamel Ziani eta Aitor Rubio entrenatzaileak.
Hain zuzen, otsaileko KARKARA aldizkarian luze eta zabal jorratu genuen atletismoa Aian eta Orion hartzen ari den indarra, eta erreportaje horretan ere ageri da Iriondo. Irakurri hemen erreportajea.