Estropada gogorra jokatu dute gaur Kontxako uretan oriotarrek. Ligako hirugarren estropadan, laugarren kaletik atera da traineru horia. Lehen luzearen erdia segundo beraren barruan egin dute lehen luzea Orio-Orialkik eta Arraun Lagunakek. Ziabogara lehenago heldu dira donostiarrak, eta bi segundoko aldeaz jarraitu dio atzetik Oriok bigarren luzean. Oriotarrek gogor borrokatu dute eta estutu dituzte donostiarrak, baina, apurka-apurka aldea handitzen joan da, eta azkenean donostiarrak baino ia zazpi segundo beranduago gurutzatu dute helmuga.
Horrela geratu da gaurko sailkapena:
| 1 | DONOSTIA ARRAUN LAGUNAK | 05:28 | 10:59,22 | 1 | ||
| 4 | ORIO ORIALKI | 05:32 | 11:06,12 | 2 | ||
| 3 | HONDARRIBIA BERTAKO IGOGAILUAK | 05:35 | 11:10,16 | 3 | ||
| 2 | DONOSTIARRA LACTURALE | 05:34 | 11:11,70 | 4 |
Horrenbestez, sailkapen orokorrean lehen baino alde handiagoa ateratzen dio gaur-gaurkoz Arraun Lagunakek Oriori.
| 1 | DONOSTIA ARRAUN LAGUNAK | 11 |
|---|---|---|
| 2 | ORIO ORIALKI | 9 |
| 3 | DONOSTIARRA LACTURALE | 6 |
| 4 | HONDARRIBIA BERTAKO IGOGAILUAK | 4 |
