Oriyoko Aske Festak egin egingo dituztela erabaki orduko, biharko eta etziko behin betiko egitarauaren berri eman dute Etxeluze gaztetxeko kideek. Aurrez iragarri zuten egitarauari moldaketa batzuk egin behar izan dizkiote, eta aipagarriena da ekitaldi guzti-guztiak gaztetxean bertan izango direla.
Honela gelditzen da egitaraua:
- Bihar, astelehena, abenduak 6
-14:30ean, herri bazkaria: babarrunak, azak, patata brabak, postrea, kafea eta kopa. Heldueena hamabost euro izango da, eta umeena, bost. Sarrerak Kutixin daude eskuragai, eta etxetik edalontzi berrerabilgarria eramateko eskatu dute.
-Jarraian, NAN arrotzen jaurtiketa.
-18:00etatik aurrera, musika: Bassque Reggae Kultur elkarteko kideek jarriko dute.
-22:30etan hasita, kontzertuak: Lukiek eta Rodeo taldeek joko dute. Oharra: edukiera mugatuta egongo da. - Etzi, asteartea, abenduak 7
-20:00etan hasita, Dj Gaua: A_Mtz, Annimoon, M&xko, Elektropeña eta Xanta ariko dira musika jartzen. Oharra: edukiera mugatuta egongo da.