Uztailaren 23an, igandearekin, egingo dira Espainiako Diputatuen Kongresurako eta Senaturako Hauteskundeak, eta Orioko Udalak herrian bizi diren hautesleen zerrenda ikusgai jarri du, herritarrek datuak zuzenak direla egiaztatzeko.
Zerrenda udal bulegoetan egongo da ikusgai, hilaren 12ra arte, eta herritarrek bertatik pasatzeko aukera izango dute, 8:30etik 14:30era.
Zerrendak ikusgai dauden bitartean, edozein pertsonak aurkeztu dezake erreklamazioa: zerrendatik baztertu dutelako, gaizki erregistratuta badago edo zerrendan sartu dutelako hala behar ez lukeenean.
Hautesleak berak edo behar bezala baimendutako pertsona batek aurkeztu eta sinatu behar du erreklamazioa, eta NANaren, gidabaimenaren edo pasaportearen fotokopia eramatea beharrezkoa izango da.