'XUA GURASOEKIN ETXERA'

Picassent espetxea utzi du Xuak

Atzo bete zituen hiru urte Xuak, eta Espainiako Espetxe Legearen aginduz, aurrerantzean, ez da Picassent kartzelan biziko. Bertan dituzte preso bere gurasoak, Patxi Uranga oriotarra eta Olatz Lasagabaster usurbildarra.

Patxi Uranga eta Olatz Lasagabaster euskal presoen alabak, Xuak, hiru urte bete zituen atzo, hilak 19. Hortaz, Espainiako Espetxe Legeak aginduta, Picassent espetxea (Valentzia) utzi behar izan du haurrak. Bertan dituzte preso gurasoak, baina aurrerantzean, ez da haiekin kartzelan biziko. Atzo irten zen Picassentetik, eta amaren sorterrian biziko da hemendik aurrera, Usurbilen, gurasoengandik 600 kilometrora. Uranga oriotarrak zein Lasagabasterrek dagoeneko bete dituzte haien aurkako kartzela zigorren hiru laurdenak. Bigarren graduan daudenez, egun batzuk espetxetik ateratzeko baimena eskatu zuten, baina ukatu egin die Zaintza epaileak.

Sare plataformak ekitaldi jendetsua antolatu zuen atzorako, Xuaren eta, orokorrean, gurasoetako bat edo bi gurasoak preso dituzten haurren egoera salatzeko. Beraz, atzo "motxiladun umeak" direlakoak eraman zituzten erdigunera Donostiako Atano III.a frontoian, Motxilak gora izeneko ekitaldian. Sarek aldarrikatu zuen Xuaren gurasoek ere etxean behar dutela berekin batera, eta plataformako bozeramaile Inaxio Oiarzabalek nabarmendu zuen "espetxe politika aldatzeko garaia" dela.

Ekimenean, Xuak zein gainontzeko "motxiladun haurrek" gurasoekin bizitzeko eskubidea dutela aldarrikatu zuten bertaratutakoek. Azkeneko datuen arabera, ehundik gora dira gurasoetako bat edo biak giltzapean dituzten umeak.

Bestalde, Usurbilen elkarretaratzea izan zen atzo, Xua Gurasoekin Etxera plataformak deituta. Argazki jendetsua atera zuten bertan.

Erlazionatuak

Argazki jendetsua atera dute, Xua Gurasoekin Etxera plataformak deituta

Orio

Xua gurasoekin batera etxera ekartzeko eskatuz elkarretaratzea egin dute gaur arratsaldean Usurbilen, Xua Gurasoekin Etxera plataformak deituta, et...
Haurren eskubideak eta ongizatea erdigunean

Aia Orio

Urtarrilaren 19an hiru urte beteko ditu Xuak, eta egun horretatik aurrera ezingo du espetxean amarekin bizitzen jarraitu. Hori salatzeko jaio zen X...
"Esaten ez bada, ez da jakiten"

Orio

Bosgarren urtez jarraian eta euri zaparrada artean, 'Dispertsioff' ekimenean murgildu dira gaur Orion. Aldarrikapenez eta elkartasunez jositako egi...

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!